Twa Fryske theaterprizen sille op freed 28 maart útrikt wurde yn Stadsschouwburg De Harmonie. De Fedde & Martha Bergsmapriis 2025 is in literatuerpriis en sil troch Janneke Bergsma de dochter fan Fedde en Martha Bergsma útrikt wurde. En de Pyt van der Zeepriis 2025, in priis foar in persoan as organisaasje út it amateurtoaniel, sil útrikt wurde troch Eke Folkerts deputearre fan de provinsje Fryslân. It duo Ella and Her man soarget foar in muzikale omlisting.
Programma
15.00 ynrin
15.30 útrikking Fedde & Martha Bergsmapriis troch Janneke Bergsma
16.00 útrikking Pyt v/d Zeepriis troch deputearre Eke Folkerts
16.30-17.30 mei-inoar in slokje drinke
Fedde & Martha Bergsmapriis
De Fedde & Martha Bergsmapriis is in literatuerpriis, dy’t ien kear yn de trije jier útrikt wurdt. De priis beleannet de bêste Fryske toanieltekst mei in jildbedrach fan €2.500. Yn oanmerking komme allinich oarspronklik Frysktalige toanielstikken dy’t skreaun binne yn dy perioade. Of it stik al of net opfierd of publisearre is, is net fan belang.
Nominearren
De trije nominearren fan de Fedde & Martha Bergsmapriis 2025 binne:
- Tsjerk Bottema, mei it stik: Paspoart
- Broer Jorritsma, mei it stik: In saak fan libben en dea
- Wessel de Vries, mei it stik: Thúsblaze
De Fedde & Martha Bergsmapriis waard yn 1992 ynsteld ta neitins oan Fedde en Martha Bergsma, in echtpear dat in grutte rol spile yn ‘e Fryske toanielwrâld. Lês mear oer de priis
De sjueryleden fan de Fedde en Martha Bergsmapriis 2025 binne: Tamara Schoppert, Gerrit Hoekstra en Freark Smink. mear ynfo
Pyt van der Zeepriis
De Pyt van der Zeepriis is in provinsjale priis foar it brede Fryske toaniel dy’t ek ien kear yn de trije jier útrikt wurdt. De provinsje Fryslân rikt de Pyt van der Zeepriis út oan in persoan, groep of organisaasjes dy’t fan bûtengewoane betsjutting foar it toaniel yn Fryslân west hat. Ûnder oare dekôrûntwerpers, regisseurs, oersetters, skriuwers en ferienings komme foar de priis yn ‘e beneaming. De priis bestiet út in bedrach fan € 4.000. Lês mear oer de priis
Winner
De winner fan de Pyt van der Zeepriis 2025 is:
- Stifting Kom Mar Op! út Suwâld
De sjueryleden fan de Pyt vd Zeepriis 2025 binne Titia Huisman, Wybo Smids en Luuk Eisema.
Praktyske gegevens
Utrikking yn opdracht fan de provinsje útfierd troch Keunstwurk en oerlis mei advys Iepen Doek
Kontakt
Hast in fraach? Nim kontakt op mei:
