Ien kear yn de trije jier wurdt de Fedde & Martha Bergsmapriis takend oan de skriuwer fan de bêste, oarspronklik Fryske toanieltekst fan dy perioade.
Dizze literêre priis is ynsteld ta neitins oan Fedde en Martha Bergsma, in echtpear dat in grutte rol spile yn ‘e Fryske toanielwrâld en bestiet neist in oarkonde út in jildbedrach fan €2.500. Yn oanmerking komme allinich oarspronklik Frysktalige toanielstikken dy’t skreaun binne yn dy perioade. Of it stik al of net opfierd of publisearre is, is net fan belang. Net allinnich de skriuwers, ek ‘tredden’ kinne it wurk fan in toanielskriuwer ynstjoere. It wurk wurdt troch in sjuery fan saakkundigen beoardield.
De priis hat in wichtich plak ferwurven yn it befoarderjen fan Fryske toanielteksten.
Ari van Tienhoven
De Fedde en Martha Bergsmapriis ûntstie yn 1992 op inisjatyf fan de yn 2014 ferstoarne Ari van Tienhoven. Hy hat yn it lêste jier fan de Twadde Wrâldoarloch ûnderdûkt west by de famylje Bergsma yn Jellum. Fedde en Martha Bergsma wienen altiten warber mei toaniel en stienen oan de widze fan toanielploech Tryater. Lês yn it ‘yn memoariam’ fan Ari van Tienhoven it hiele ferhaal
Foargeande winners fan de priis binne ûnder oaren Romke Toering (2003), Rients Gratema (2013), Bouke Oldenhof (2008 en 2017) en Freark Smink (2021).
Utrikking Fedde & Martha Bergsmapriis 2025
Freed 28 maart 2025 wurdt de Fedde & Martha Bergsmapriis 2025 útrikt troch Janneke Bergsma yn Stadsschouwburg De Harmonie in Leeuwarden. Hja is de dochter fan it pear. Naar agendabericht
Utrikking yn opdracht fan de provinsje útfierd troch Keunstwurk en oerlis mei advys Iepen Doek
Kontakt
Hast in fraach? Nim kontakt op mei
